FAIRYTALE CHAPTER 14-15

CHAPTER 14

Isang linggo na silang magkasintahan ni James. At isang linggo na rin syang nasa bahay lang. At tama sya, lumabas sa mga peryodiko at telibisyon ang blind item ng isang sikat na modelo na may kasamang hindi kilalang babae at napaka sweet daw ng mga ito. Hindi man ipinakita ng malinaw ang mga larawan ngunit batid nyang sila iyon.

Napag-usapan nila iyon ni James ng bumalik ito ng sumunod na araw sa kanilang tahanan. Ng araw na iyon ay ibang sasakyan ang gamit nito, mas simple,isang SUV.

Ang sinabi lang nito tungkol sa bagay na yun ay wag ng pansinin dahil alam naman nila ang totoo. Sinabi din ng kanyang ina na masanay na daw sya dahil hindi lamang iyon ang lalabas na mga balita dahil sikat ang kanyang nobyo.

Tumunog ang kanyang IPHONE 4G, isang regalo galing dito na kahit anong tanggi nya ay hindi ito pumayag na hindi nya iyon tanggapin. Ibinigay ni James sa kanya yun noong araw na pinagusapan nila ang tungkol sa blind item. 

"By, I'm going to fetch you at around 5 pm. Gonna have dinner with my dad and sister." wika ni James sa kabilang linya.

"Ano?Nakakahiya naman. Wag na lang please" tanggi ni Devon.

"Be ready no more arguments. Gotta go I'm driving. I love you By. " paalam ni James.

"Anak ka talaga ng tatay mo James, nakakainis ka. Grrr.." bulalas ni Devon, anong nakain ng hudyong yon at sya ay isasama sa hapunan kasama ang ama at kapatid nito. Nakilala na nya dati si Mr. Malcolm at si Laurena ang nakita nyang kasama ni James sa hotel noon. 

Bago pa man mag alas singko ay nakahanda na si Devon, simple lang ang suot nya ngunit presentable naman. Gusto syang ayusan ng ate nya ngunit tumanggi sya, ayaw nyang maglagay ng make up sa mukha. Konting pulbos at lipgloss lang ang tanging kolorete nya. Kinse minutos bago mag alas-singko ay dumating si James. Nakangiti na agad ito pagbaba palang ng sasakyan. 

"Hi there pretty, wow, Oh my god, you're wearing a skirt. " bulalas ni James ng makita si Devon. 

Naiilang naman si Devon ngunit sinabihan sya ni James ng "You look good on a skirt, I love it."sabay halik sa pisngi ni Devon.

Nagpaalam na sila sa kanyang pamilya at binagtas na ang daan patungo sa lugar kung saan nila tatagpuin ang mag-ama. Kalat na sa buong bansa ang pagkakaroon ni James ng isang ordinaryong nobya at wala namang pakelam ang lalaki tungkol doon. Marami na rin ang nagtanggkang makapanayam sya ngunit wala syang pinagbibigyan kahit isa. Hahayaan nyang si James ang humarap sa mga iyon. At ngayong gabi nga, nasisiguro nyang marami na namang paparazzi sa tabi tabi.

Nakarating sila sa GREENBELT 5, unang pagkakataon nyang makapasok dun. Nakatanggap ng tawag si James at nalaman nilang nasa isang restaurant na ang ama nito at kapatid. 

Restaurante Pia y Damaso, iyon ang pangalan ng restaurant na kanilang pinasok. Kabado na naman sya, pinagtitinginan sya ng mga tao, lahat ng mga mata ay sa kanila nakatuon pagpasok palang nila. Ang iba ay tingin ng may pagtataka pero mas marami ang tingin na may kahalong inggit at inis galing sa mga babaeng naroon. 

Narating nila ang mesa na ipina reserve ng ama ni James at nakita nya ulit ang magandang babae na kapatid pala ni James. 

"Devon, sweet, how are you?" bati ni Mr. Malcolm kay Devon at bumeso dito. 

"Baby, meet Laurena, my sister. " pakilala naman ni James kay Devon sa kapatid nito.

"So we finally met, how are you dear? James so gaga about you" wika ni Laurena at nag beso din kay Devon. " Oh my god, I love your skin color" dagdag pa nito.

"Good evening sir, nice meeting you Ms. Laurena, thank you." yun lang ang nasambit ni Devon dahil baka mag nosebleed sya dahil mukhang hindi marunong mag tagalog ang dalawa.

"So let's eat. " at tinawag ni Mr. Malcolm ang waiter. 

Maganda ang ambience sa restaurant, at sa pagmamasid nya mukhang Spanish Restaurant iyon. Hinayaan nyang si James ang mag-order ng pagkain sa kanya. James ordered steak and ganon na din ang kay Devon at sinamahan pa nya ito ng chocolate shake. 

The whole dinner went well, maganda ang pakikitungo sa kanya ng ama at kapatid ni Devon. Parang wala ding pakelam ang mga ito sa paligid kahit na panay ang kislap ng mga camera.  At dahil mabait at totoo ang mga kaharap nya, mabilis na nakapag adjust si Devon, kaya naman lumabas ang natural na kakulitan nya. Nagkulitan at nagkulitan sila ni James na parang mga bata. At si James, laging panakaw na kinukhanan ng larawan si Devon at gagawing wallpaper sa cellphone nito. 

Natapos ang kanilang hapunan, at magkasama silang lumabas ng restaurant at inaya sila ng ama ni James na magkape muna. Pagkatapos magkape ay nagpaalam na si James at sinabing ihahatid ang dalaga. Nagpasalamat muli si Devon sa mag-ama at sya na ang kusang nag beso sa mga ito. 

Nang makarating na sila sa bahay nila Devon nagpasalamat sya kay James

"Thank you James sa masayang hapunan, thank you so much. " wika ni Devon at ginawaran ng halik sa pisngi ang nobyo.

"You're welcome and baby, please stop thanking me. You always do that. They like you, my sister in particular, if she don't like someone, she will be frank about it. But I saw how she smile at you. She likes you." wika ni James.

"Inggat ka sa pag-uwi. Drive safely."paalala ni Devon sa nobyo.

Samantala, sa restaurant na pinagkainan nila Devon at ng pamilya ni James, naroon pa rin si Trixie Saldivar. Hindi nila ito napansin kanina dahil nasa tagong lugar ito. May kausap ito sa telepono at mukhang inis ito. 

"Girl, you should have seen them. Gosh, he's crazy. They're going out in public and with his family too! What's so special with that trash.  Hello? Enna are you still there?" tanong ni Trixie kay Enna na kausap nya sa kabilang linya. 

"The nerve of that girl to hang up on me. "himutok ni Trixie ngunit kung kasama lamang nya si Enna malamang na nakita nya ang bagsik at poot na nasa mukha nito. 

CHAPTER 15

Mabilis lumipas ang panahon. Balik eskuwela na si Devon. May mga pagbabagong naganap sa mga taong nakakasalamuha nya. Yung mga dating hindi sya pinapansin at hindi nya kaibigan pilit na inilalapit ang mga sarili sa kanya. Ang iba naman, lalo na ang mga tinatawag na "campus queens" ay hindi itinatago ang inis sa kanya at may ibang nagpaparining din.

Ngunit ang mga kaibigan nya naman ay parang nailang din sa kanya, mabuti na lamang at nakausap nya ng masinsinan ang mga ito kaya nalaman nyang nahihiya na silang kasama si Devon dahil sikat ang boyfriend nya. Natawa na lang si Devon dahil sa kadramahan ng kanyang mga kaibigan. Apat silang magkakaibigan, siya, si Gracey at si Aizelle, ang mga tanging babae sa klase nila at si Badgie, Badger sa totoong buhay ngunit dahil bading ito, mas gusto nitong tawaging Badgie. 

Eksaktong isang buwan na sila ngayon, marami-rami na ring syang mga magagandang pangyayari kasama si James. Marami-rami na ring syang lugar na napuntahan dahil dito. Dahil gusto nitong lagi syang kasama sa mga photoshoot nito, ngunit pag si Enna ang kasama ay hindi sya nito isinasama. Doon sya  nagtataka ngunit ang lagi nitong sagot, "I just don't want her near you. " Naisip nya  na lang pinoprotektahan lang sya ni James. 

Kanina nakatanggap sya ng tawag mula dito, susunduin daw sya at magcecelebrate sila ng first month anniversary nila. 

"Naloko na naman ang isang iyon, susunduin ako dito sa campus, minsan di ko alam ang trip nun eh." himutok nya sa mga kaibigan na tili naman ng tili at pinilit syang samahan habang hinihintay si James upang makilala ng mga ito.

"Sis, itatakwil ka namin pag hindi mo kami pinakilala kay James. " pahayag ni Gracey

"Oo nga, ipakilala mo kami, kailangang masimsim namin ang bango ng kanyang palad kapag nag shakehands kami.."wika naman ni Aizelle

"Hay naku mga sisteret, takot lang yang si Devie dahil kapag nakita ni James ang aking alindog, waley na ang beauty nya at sa akin mapupunta ang hombre." sabi ni Badgie, na pila pilantik pa ang mga mata. 

Tawa sila ng tawa habang naglalakad at may ilan-ilang nagbubulungan habang sila ay dumadaan. Mga inggeterang ampalaya na ang topic ay si Devon, bakit si Devon ang pinili ni James Reid. Tumunog ang IPHONE4G ni Devon, si James ang nasa kabilang linya. Nasa parking lot na daw sya ng campus. Sa may bandang east wing daw. Ikaw na nga ang maging sikat at basta basta ka nalang papasukin ng gwardya sa loob ng campus. 

"Nandito na sya. "mahinang bulong ni Devon. At paimpit na tumili ang kanyang mga kaibigan. Tinungo na nila ang parking lot at hindi na sya nagulat sa nakita. Pinalibutan si James ng mga estudyante. Mabuti na lamang at may mga gwardyang agad rumesponde. Natanaw sya ni James na paparating at sya ay sinalubong nito. Di alintana ang mga flash at tunog ng mga cellphones at cameras.

"For you" iniabot nito sa kanya ang bungkos ng white roses at agad na syang inaya sa sasakyan nito. Ngunit tumikhim bigla si Badgie na ipinaalala kay Devon na dapat sila nitong ipakilala. Nag-aalala naman si Devon dahil dumadami ang mga estudyanteng nagtutungo sa lugar na yon.

"Your friends By? Hello guys, care to have coffee with us? Come on let's get out of this place" paanyaya ni James sa mga kaibigan ni Devon na naschock sa pangyayari. Ngunit kahit shock sila,mabillis pa rin silang sumunod sa sasakyan ni James na lalo pang ikinainis, at ikinainggit ng mga ibang tao roon. 

Maiksi ngunit masaya ang naging meryenda nila kasama ang kanyang mga kaibigan  pumarada lamang sila sa Figarro Coffee Shop at nagtake out nalamang at sa sasakyan sila nagkwentuhan. Nagpaalam naman agad ang kanyang mga kaibigan dahil alam ng mga itong may date pa sila.

***************

"Your friends are so cool By, they're fun to be with." wika ni James habang nasa sasakyan sila. Hindi nya alam kung saan siya nito dadalhin basta ang sabi nito.

 "One month ago, you showed me the way to your simple life, now, let me show you mine." Hindi nya naintindihan kung anong ibig nitong sabihin ngunit tumango na lamang sya. 

Nakatingin lamang sya sa daan at napagtanto nya na nasa Makati sila. "Saan naman kaya ako nito dadalhin"

"Here we are By," wika ni James at ipinasok na ang sasakyan sa driveway ng MANDARIN ORIENTAL HOTEL. Pagpasok pa lang nila ay sinalubong na sila ng isang babae naka power suit at dalawang lalaking mukhang mga Med Rep dahil naka kurbata ang mga ito. 

"Hello James, Hi Ms. Devon, I'm Dianne, secretary ni James" magiliw na pakilala ng babae kay Devon.

"Hello din Ms. Dianne."ganting bati ni Devon.

"Is everything fine Di?" sumagot naman si Dianne "Everything's ready James so I'll take her from here. " wika nito at hinawakan si Devon at iginaya papasok ng elevator.

"Wait, James ano to? San nya ko dadalhin?" 

"Baby, Dianne's gonna take care of you. See you later." paalam ni James at hinalikan sya nito sa pisngi. 

Naiwan si Devon na kasama si Dianne at hinawakan ulit nito ang kanyang braso. "Lika na Devon, wag kang mag-alala, hindi kita kakagatin mabait ako."biro ni Dianne kay Devon. 

Naguguluhan na sya, nagpatianod na lamang sya sa gusto ni Dianne, ipinasok sya nito sa isang malaking suite at nagulat sya sa nakita. May ilang tao sa loob ng silid, may bakla, may babae at may mga make up at iba pang accessories sa tokador ng silid. 

"Devon, sila ang bahalang ayusan ka at lalo pang iangat ang iyong ganda. Trust James to be this specific. " wika ni Dianne

"Teka bakit naman kailangan pa ng mga ganito? Teka tatawagan ko lang si James." pero bago pa nadukot ni Devon ang kanyang cellphone ay naagaw na ito ni Dianne. 

"Hindi pwede, mahigpit nya itong bilin. Please, maatim mo bang mawalan ng trabaho ang lahat ng nasa silid na to? Yun ang babala ni James sa amin dahil alam nyang hindi ka papayag. " wika ni Dianne at walang nagawa si Devon kundi ang sumunod na lamang dahil ayaw nyang mawalan ng trabaho ang iba ng dahil sa hiya nya.

Lumipas ang ilang sandali,at si Devon ay nakaupo lamang sa harap ng salamin. Hindi makapaniwala sa transpormasyong nagaganap sa kanyang itsura. Ang buhok nya ay ginawang kulot ng baklang stylist, nilagyan din sya ng make-up, at ang huli ay ipinasuot sa kanya ang isang off-shoulder black and white mermaid cut gown. Lumapit si Dianne sa kay Devon at may iniabot. Isang box at alam na nya ang nandun. 

"Wow, ang ganda-ganda mo Devon, isa kang tunay na PRINSESA. " puri ni Dianne sa kanya habang isinusuot sa kanyang leeg ang kwintas white pearls na may kasamang hikaw na pearl din. 

Tinitigan ni Devon ang kanyang sarili sa salamin, hindi makapaniwala na sya ang nasa repleksyon ngunit nakita nya ang pamilyar nyang kulay at mga mata. Hinawakan nya ang kanyang mukha upang sipatin kung sya nga talaga iyon. Isang magandang nilalang ang nakikita nya sa salamin. 

Asan na si Devon, wika nya.Isang katok sa pinto ang nakapagbalik sa kanya sa kanyang isip, at pumasok ang isa sa mga lalaki kaninang nakita nya na may dalang isang malaking bungkos ng puting rosas. Iniabot nito iyon sa kanya. Nakita nyang may card iyon at binasa nya ang note galing kay James.

"Baby, tonight I'm inviting you to my castle.

Be with me my PRINCESS.

For you are my refuge, my sanity,

And in your arms, I'll always be.

with love-YOUR PRINCE"