Thursday 2 September 2010

FAIRYTALE CHAPTER 17-20


CHAPTER 17


Lumipas ang mga araw, matiwasay ang relasyon nila James at Devon, inspirado si Devon sa pag-aaral dahil hindi na lamang ang pamilya nya ang kanyang inspirasyon, nakadagdag na si James. Matataas ang kanyang mga marka at aktibo sya sa campus. 


Naging isang malaking balita ang engagement nya kay James, kilala na sya ng buong bansa at malamang pati sa ibang bansa dahil kay James. Marami ang nagpahayag na inspirado sila sa lovestory nila James and Devon, ngunit mas marami ang nagtaas ng kilay, at nainggit kay Devon. May ilang panayam na rin syang pinaunlakan, pili lamang at kapag kasama lamang si James. 

Sa unibersidad na kanyang pinapasukan tingin nya ay mas lalong nainis ang iba sa kanya. Mayroon pa ngang nakaka mis-interpret sa kilos nya dahil kapag may nagtatanong sa kanya ng tungkol sa kanila ni James ay hindi sya palakwento. Bagay na ginagawang issue ng iba kesyo masyado na daw mataas ang ihi nya. Ngunit hindi sya naaapektuhan dahil alam naman nya ang totoo at nagpapasalamat sya sa mga kaibigan na laging nandyan para sa kanya. 

Naglalakad si Devon sa pathway ng unibersidad ng may tumawag sa kanya. Hindi siya masusundo ni James sa araw na yon dahil nasa out of town shoot ito. Gusto man sya nitong isama pero hindi pwede dahil sya ay may klase pa. 

"Hey, buddy" tawag ni Ivan sa kanya.

"O buddy, kamusta" tuwang niyakap ni Devon si Ivan dahil sa sobrang miss nya dito.

"Whoa, you miss me that much ha. Hmm, celebrity ka na ngayon buddy" wika ni Ivan kay Devon. 

"Anong ginagawa mo dito? Madaya ka, hindi ka nagpaparamdam" 

"I got busy you know naman I came from a business trip abroad, ikaw tampo ako sayo ha. 
You didn't even bother to tell me that you have a celebrity for a boyfriend and now fiance." wika ni Ivan, pero sa kaloob-loban nito ay nasasaktan. 

Dahil narito, ang babaeng minamahal nya ng napakatagal ng panahon ay pag-aari na ng iba. Kailangan nya nalang maging masaya para dito dahil kakaiba ang aura nito. Halatang masaya sa mga pangyayari sa buhay. 

"Sayang, out of town sya ngayon sana nandito sya para nameet mo din sya. " pahayag ni Devon. 

"So that means, I can have all your time today. I'm inviting you for a snack and I'll take you home, miss ko na sila ate at sila tita lyn. Ok lang ba?"tanong ni Ivan.

"Ano ka ba buddy, tara na. " umabrisyete pa si Devon kay Ivan habang patungo sila sa sasakyan nito.

Ikinuwento nya kay Ivan ang mga pangyayaring namiss nito, kung paano sila nagkakilala at naging magkasintahan ni James. Sinabi nya dito kung gaano nya kamahal si James at masaya sya sa piling nito. Habang si Ivan naman ay patuloy na nasasaktan, ngunit wala na syang magagawa. Kung maibabalik lang nya ang panahon, gumawa na sya ng paraan para masabi kay Devon na mahal nya ito.

*******

"Good, these photos are great Jezziel. Magaling ang nakuha mong tao. Maasahan kang PA." wika ni Enna sa bagong PA nito na si Jezziel. Nasa mga kamay nya ang mga kuhang larawan ng PI na kinuha nito upang subaybayan si Devon. Napangiti sya ng mapagmasdan ang mga larawan. 

"Hmmm, look what we have here, the celebrity's fiancee hugging an unknown man. " masayang wika ni Enna. Nasisiguro na nya ang tagumpay sa kanyang balak. 


Matagal na syang nag-aantay ng pagkakataon upang makakita ng butas sa pagkatao ni Devon at ngayon, dahil sa lalaking nagngangalang Ivan Dorschner, na nalaman nyang kaibigan nito, makakagawa na sya ng paraan para maagaw si James dito. Kailangan nya lang gamitin ng tama ang kanyang mga alas. 

"Jezz, send these photos anonymously to James. Kailangan nyang makita ito, pero wag kang maglalagay kung kanino galing. Let's say, just put YOUR FIANCEE'S SECRET.  Hmm, diba ang ganda?"at sinabayan pa ito ng halakhak. 

"Yes, Ms. Enna, pero wala naman silang ginagawa ni Ivan na ..." naputol ang sasabihin ni Jezziel dahil inihagis ni Enna dito ang mga larawan. At galit na nagwika.

"Kinukuha ko ba ang  opinyon mo? You need to know how to shut up. Sundin mo ang gusto ko kung ayaw mong mawalan ng trabaho!"galit na wika nito. Tumayo ito at nagsalin ng wine sa kopita nito at lumabas sa silid habang bumubulong "Malapit na James, you'll be mine. "


Naiwan ang pobreng dalaga na walang ibang magawa kundi ilagay sa sobre ang mga larawan at sundin ang gusto ng kanyang matapobreng amo kahit pang alam nya na mali iyon. 


CHAPTER 18


James came home late, kagagaling lang nya sa airport at diretso agad sya sa condominium unit nya sa Makati. Gustuhin man nyang puntahan ang kanyang nobya ay hindi na kaya ng katawan nya. He missed her so much, he can't wait for the day that she will be officially Mrs. James Reid. Kumuha na sya ng mag-aasikaso ng mga detalye ng kasal nila at gusto nya na maging maganda ito dahil espesyal na babae ang kanyang pakakasalan. 

Naisipan nya na tawagan na lamang si Devon. Kahit man lang marining nya ang boses nito ay ok na sa kanya. 

"Hello "

"Hey Baby, I'm home. I miss you. How are you?"

"James, I miss you too. Are you okay?"

"Yes, Baby I'm fine, just need to rest though."

"You better rest and sleep na, wag matigas ang ulo. Or I'll hang up."

" I'll be sleeping in a minute. Just want to hear your voice and say I love you"

"Mahal din kita. Matulog ka na ok, Bye.."

"Ok, you're the boss. I'll see you tomorrow.  Bye I love you again." paalam ni James.


He was about to take off all his clothings and get a quick shower when he noticed a brown envelope on his study table. Nilapitan nya ito at sinipat. Nagtataka kung kanino galing ang envelope na yun. Hindi nya na sana iyon papansinin kung di lamang naagaw ang pansin nya ng mga salitang nakasulat sa labas ng sobre. Agad niyang binuksan ang brown envelope at tumambad sa paningin nya ang mga larawang iyon.

"What the eff.. " salubong ang kilay na bulalas nya. 

Dahil ang mga larawan sa loob ng envelope ay mga larawan ni Devon. Si Devon na masayang kausap ang isang mukhang foreigner na lalaki. Si Devon na kayakap ang nasabing lalaki, mukhang masaya ang kanyang nobya at kilala nito ang lalaki. Dahil sumama ito sa lalaki at nagtungo sa isang restaurant. Lahat ng iyon ay malinaw na nakasaad sa mga larawan. 

Jealousy got him the moment he saw the photos. Rage, because Devon is happy with other man. Confusion because his fiancee didn't bother to tell him about this guy. 

"No, but I have to give her benefit of the doubt. I need to talk to her, she doesn't deserve this" wika ni James sa sarili. 

He decided to call Devon again. 

"Hello, James why?  Akala ko matutulog ka na?"

"Just want to hear your voice again, what keeps you busy today?" tanong ni James. 

"Today, my best buddy Ivan came to school to see me. Gusto kong makilala mo din sya. " sagot ni Devon

"Really, so your bestfriend is a man huh, ok I'm sleeping, goodbye." paalam ni James at agad na pinatayan si Devon.

Nagtataka si Devon dahil walang Baby at walang I love you si James ng muling tumawag ngunit inisip nya nalang na pagod ito sa byahe. 

Samantalang si James ay matamang nag-iisip. Sino ang nagpadala ng mga larawan sa kanya. Sino ang gustong sumira kay Devon?
He believe and trust her, he knows that she's telling the truth. He have to meet that Ivan guy, and soon.

****


Maaga pa lamang ay nakatanggap na ng tawag si Devon mula kay James, susunduin daw sya nito ngayon. Excited syang makita ang nobyo dahil ilang araw din nya itong hindi nakasama. Gustuhin man nyang tumulong sa preparasyon ng kasal nila ay ayaw nito. Bahala daw ang wedding coordinator na kinuha nito upang mag-ayos ng detalye ng kanilang kasal. Napatingin sya sa singsing na nakasuot sa kanyang kamay. Napakaganda nun at alam nyang mahal, ngunit wala ng mas hihigit pa sa pagmamahal na nakuha nya mula kay James. 

Katatapos lang ng kanilang klase at nag-uusap silang magkakaibigan. Naisipan ng mga kaibigan ni Devon na samahan sya sa pag-aantay kay James bago umalis ang mga ito. Kasama sya dapat sa LOOP kung saan ang tungo ng mga ito subalit ipinaalam nyang magkikita sila ni James ngayon. 

"Sis, di ka naman halatang excited nyan noh? Namumula mula ang fez mo. " wika ni Gracey.

"Ikaw talaga bakla echosera ka, syempre makikita nya ulit ang kanyang hombre. " wika naman ni Aizelle

"Kayong dalawa ang mga echoserang froglet, anong excited? Si Devie, hindi mukhang excited noh. Kabado sya dahil makakaharap na naman ako ng kanyang fafa. If I know, napanaginipan nun ang aking alindog the first time we met. Asa pa kayo noh.!" sagot naman ni Badgie na sinamahan pa nito ng irap at taas ng kilay.

Natawa si Devon sa mga kaibigan. Maasahan talaga ang mga ito kaya naman mahal na mahal nya ang mga ito. GEMS ang tawag sa grupo nila dahil lahat sila ay PRECIOUS ang tingin sa isa't isa. Nagtatawanan pa rin sila ng makatanggap ng tawag si Devon mula kay James. 

"Baby, I'm sorry but I'll be late,still here in the middle of traffic. I miss you, love you. " wika ni James

"Ok lang, hintayin nalang kita. Inggat." sagot ni Devon at maya maya ay nagpaalam na si James.

"Paano yan girls, male-late daw si hombre, mahuhuli kayo sa lakad nyo. Iwan nyo nako at humayo na kayo at magliwaliw." pahayag ni Devon sa kanyang mga kaibigan. 

"Ay  kalurkey naman itechewa, waley ako sight sa fafable mong hombre. " paghihimutok ni Badgie. 

"Halika na nga tayo ng lumayas ng makarami ng sight seeing. "hila ni Gracey kay Badgie.

"Paano sis, alis na kami, waiting galore ka muna jan ha. Inggat kayo at musta kay boylet mo."paalam naman ni Aizelle.

Nagbeso beso sila at umalis na ang kanyang mga kaibigan. Naisipan nyang mag-antay at umupo sa isa sa mga bench na nasa parking area ng campus. Mabuti na lamang at dala syang libro upang may pag kabalahan sya. Pinadalhan nya ng text message si James na nagsasabing sa dating lugar parin nya ito hihintayin. Maraming napapadaan ang tumitingin sa kanya na nasa isip ay dadating si James, at pagkakataon nila yun upang masilayan ulit ang idolo. 




CHAPTER 19

Nagulat si Devon ng may tumabi sa kanya, masyado syang engrossed sa kanyang binabasa at hindi nya namalayan na may tao pala. Paglingon nya ay nakita  niya si Ivan na nakatunghay sa kanya. Agad na sumilay ang ngiti sa kanyang mga labi, ano na naman ang ginagawa nito sa campus.

"Oh buddy, nandito ka na naman, ginulat mo ko. " wika ni Devon sabay hampas ng mahina sa braso nito.

"Aray, grabe ka. It hurts, you know. " nagpapa awang sabi ni Ivan.

"Anong ginagawa mo dito? Siguro dito nag-aaral yung irog mo no. Uy... " wika ni Devon sabay kiliti sa tagiliran ni Ivan.

"Stop it kiddo, hey... " iwas ni Ivan kasabay ng pagtawa. "I was just around the vicinity so I decided to drop by and was only hoping to see you. And see, luck was on my side. Waiting for someone?" seryosong tanong ni Ivan.

"Oo, susunduin ako ni James ngayon, samahan mo ko antayin natin sya para makilala ka na nya. "

"Sure," matipid na sagot ni Ivan. 

Ilang minuto pa ang lumipas at wala silang ginawa kundi ang magtawanan. Natatawa sya sa kwento ni Ivan tungkol sa mishaps nito ng magtungo sa trip abroad. Hindi nya namamalayan ang oras at kung ilang minuto o oras ng late si James. 

"Ehem.." exagerrated na wika ni James. Hindi napansin ng kanyang nobya ang pagdating nya dahil masyado itong busy sa pakikipagtawanan sa lalaking kasama nito.

Pagparada pa lang nya kanina ay natanaw na nya ang dalawa, hindi muna sya bumaba ng kotse at sandaling pinagmasdan ang pag-uusap nila. Jealousy, ayon na naman ang naramdaman nya. Hindi sya sang ayon na may ibang tao, lalo na lalaki ang magpapasaya sa babaeng mahal nya.

He remembered the photos that was anonymously sent to him. He told himself 
"Yes, these are the actual scenes in that photo eh. Huh, so this is the Ivan guy."


He can't take it anymore, he has to get out of the car, go straight to her fiancee and take her away from that man. So he grab the flowers and the big blue pillow that he will give to Devon.    

Napalingon si Devon kay James at nginitian nya ito, kahit nakita nyang madilim ang mukha nito. Lumapit agad si James at iniabot ang bulaklak at blue pillow kay Devon at mabilis itong niyakap at ginawaran ng magaan na halik sa harapan ni Ivan. 


Nagulat si Devon sa inasal ni James dahil batid nyang may kakaiba dito. Nararamdaman nya pagkita palang nya sa gwapong mukha nito.  Habang si Ivan naman ay nakamasid lamang sa lalaking bigla na lamang dumating. Si James, ang lalaking may ari ng puso ng babaeng mahal nya. 

"Baby I miss you, did you miss me too?"nakangiti ng tanong ni James kay Devon. 

"Oo naman, ikaw talaga. Wait, I want you to meet Ivan, sya yung sinasabi ko sayo kagabi.

"James si Ivan, Ivan si James ang boy.. " hindi natapos ang sasabihin ni Devon dahil pinutol iyon ni James. 

"I'm James, her fiance. Nice meeting you but we need to go. "wika ni James kay Ivan at agad na hinawakan ang kamay ni Devon upang igiya papunta sa sasakyan nito.

"Teka lang James, hindi pa ko nakakapagpaalam kay Ivan. Bakit ganon? Parang ayaw mo sa kanya?" tanong ni Devon ng nasa sasakyan na sila at napansin nya ulit ang madilim na mukha ni James.

"God Devon, can't you see? How insensitive can you get. I'm freaking jealous with that guy." bulalas ni James.

Napahagalpak ng tawa si Devon at biglang nawala ang konting inis na naramdaman nya dito kanina. Nagseselos ito kay Ivan, "wow, Devon ibang level ka na, may pinagseselosan na sya, ganda mo teh." bulong ng isip ni Devon. 

"And see, you're just laughing at me. I'm serious Devon, I'm serious. " inis na wika ni James.

Tumigil na sa pagtawa si Devon at niyakap nalang ng mahigpit ang nobyo. At bumulong "I love you so much, ikaw lang ang nasa puso ko. Ivan is just a friend, no need to be jealous. I love you baby." 

James hug Devon tight, he admit he acted without reason infront of Ivan, pero anong magagawa nya, masyado syang nabulagan ng selos. 

"Baby, I love you too. I just can take it when you are laughing with other guy. I'm sorry I was a bit rude to your friend."

"Forgiven, hmm namiss kita alam mo ba. Kamusta ang iyong shooting? " 

"It went well, just fine. Let me tell you about it later over dinner." binuhay na ni James ang makina ng sasakyan " Just always remember that I love you so much." tinanaw ang lugar na pinagiwanan nila kay Ivan at nakitang wala ito doon.

"Mahal din kita yun ang tandaan mo." sagot ni Devon habang patuloy nilang nililisan ang unibersidad.


Naging maayos naman ang hapunan nila, bumawi talaga si James sa kanya at asikasong-asikaso sya nito. Sa isang pasta house sila nagtungo dahil gusto ni James na kumain ng Italian food. Hinatid sya ni James at sinabihan nya itong magpahinga dahil mukha pa rin itong pagod. 

"James, inuulit ko, wala kang dapat ipagselos kay Ivan. Kapatid ang turing ko sa kanya." 

"Yes, baby, I know that now. I'm really sorry bout what happened earlier. I'm going now. I love you. " paalam ni James matapos gawaran ng halik sa pisngi si Devon.

"Drive safely. " sagot ni Devon at tinanaw ang papalayong sasakyan ni James.

****

Si James naman ay naging panatag na ang isipan. May tiwala sya kay Devon, alam nyang nagsasabi ito ng totoo at ramdam nya na mahal talaga sya nito. He can feel it through his bones how she love him. He thought about their conversation earlier about his shoot in Davao. He can't help but smile because he saw that she really cares for him. Nasa kalagitnaan sya ng pag-iisip ng biglang tumunog ang cellphone nya at makatanggap sya ng isang mensahe. 

"Your fiancee is seeing that man again.He's with her, in their house." ayon ang laman ng text message. Bigla syang natapak sa break at binasa muli ang mensahe. 

Hindi nya talaga alam kung saan galing ang mensahe na yun, sinubukan nyang tawagan ngunit out of coverage area na ang numero. He doesn't know what to do. he doesn't know what to think until he decided to go back to Devon's place. 


May munting tinig na naguudyok sa kanya na bumalik lalo na at hindi pa malayo ang nababyhe nya. Nasa kanto palang siya ng bahay nila Devon ay natanaw na nya ang isang Honda CRV sa harap ng bahay nila Devon. The same car he saw earlier ng nasa  campus pa sila. That means the text message is true. Devon is with Ivan, and heaven only knows what are they doing at this moment. Ikinambyo nya pabalik sa palabas na daan ang kanyang sasakyan. Ayaw nya munang mag-isip.

Hindi muna sya agad umuwi, naisipan nyang  magpunta sa isang bar sa Tomas Morato, wala syang pakelam kahit pagkaguluhan sya, all he wanted is to get a quick drink at makapag-isip.He ordered double scoth when someone seat beside him.

"Hey James, what are you doing here?" tanong ni Enna kay James na nakasuot na naman ng matingkad na dilaw. 

"Just freshing up. How about you?" 

"I'm with some girl friends. Wanna join us?"

"No, I just need to be alone. " 

"Where is your fiancee? You seem distraught." 

"I said just leave me alone will you." inis na wika ni James, Nakukulitan na naman sya sa babaeng ito at sinasadya pa talagang ipakita ang cleavage nito. Mas lalo syang nabwibwisit. 

"Ok,if you say so. But if you need a friend, I'm always available. Bye James." paalam ni Enna at bumalik na sa mesang okupado nilang magkakaibigan. 

"Why is this happening? I know I should trust her, but.. " napabuntong-hinga na lamang si James. Nag-iwan na lamang sya ng pera sa counter at sya ay umalis na sa lugar na yun. Having a drink alone is a bad idea. so he decided to go home and try to sleep.


Habang si Enna naman ay nagdiriwang ang kalooban. Nakikita nyang apektado na si James sa mga paninira kay Devon at bukas lalabas sa mga pahayagan ang blind item na sinabi niyang isulat ng isang kaibigang gossip columnist. Magiging kapani-paniwala iyon dahil may mga larawan syang pinapasama. Napakatalino talaga nya, at nakikini-kinita nya, malapit na ang kanyang tagumpay. 

"Let's celebrate girls. That Reid guy will soon be mine. " at sinamahan pa nya iyon ng tawa. 



CHAPTER 20

Malapit ng matapos ang unang semestre ni Devon at maganda ang outcome ng kanyang mga grado, excited din sya sa sembreak dahil may pangako si James sa kanya na pupunta sila sa Cagayan de Oro. Sabado ngayon, tumawag si James kanina at may pupuntahan daw sila mamaya. Makakasama na naman nya ang mahal nya. 

Nag ring ang kanilang landline at ang kanyang bagong kaibigang si Crissy ang tumawag. 

"Hello Devs, good morning."bati nito

"Cris, good morning din. Ano ang sa atin?"

"Ahm,hindi ko alam kung dapat ko tong sabihin pero, nagbabasa ka ba ng newspapers particularly tabloids?" tanong nito

"Minsan, bakit?"

"Try to buy the Abante Tonight tabloid, turn to page 26 and you will know. " 

"Anong meron dun? Sabihin mo na." pilit pa ni Devon.

"Ikaw na lang ang magbasa, paano I'll hang up na. Bye Devs," paalam ni Crissy.

Nagtataka naman syang ibinaba ang awditibo at agad na lumabas upang bumili ng dyaryo sa tindahan. 

At nakita ng dalawang mata nya ang Blind Item, na hindi naman blind item dahil malinaw ang mga larawan. 

"Sino itong dalawang sikat na modelo na na-spotang magkasama sa isang bar sa Morato?
Hindi ba't ang lalaki ay nakatakdang magpakasal sa isang hindi kauri?
At ang babae ay isa sa pinakmaganda sa modelling world.
Ano ang tunay na relasyon ng dalawa?
Ang lalaki ba ay nagising na sa kanyang kahibangan?
At sa kauri nalang nito ilalaan ang oras?
Abangan natin.." - cybervuuddoooo

Iyon ang nakasaad sa blind item na isinulat ng baklang kolumnistang si cybervuuddooo na kilala sa paghahabi ng mga kwento. Pero hindi nya alam kung totoo yun o hindi dahil may mga larawan. Iyon ang suot ni James kagabi, ibig sabihin talagang nagtungo sya sa bar na yun. 

Sunod-sunod na text ang natanggap nya mula sa mga kaibigan ngunit isang tao lang ang hinihintay nyang mag text o tumawag sa kanya. At dinanig ng langit ang panalangin nya. Tumawag si James ngayon.

"Hey baby, how are you? I'm on my way to fetch you. Be ready." wika ni James. Inimbitahan nya si Devon upang makausap ito. Nakita din nya ang blind item na lumabas at hindi sya natutuwa. 

"Pwede bang wag na tayo lumabas at dito nalang sa bahay. Ipagluluto na lang kita. " wika ni Devon. Hindi nya gusto ang lumabas ngayong araw na yon mas gusto nyang makausap si James tungkol sa balita na yon.

"Ok, I'll just bring something.Bye.." paalam ni James. Nanibago si Devon dahil walang "I love you" ang paalam ni James pero ayaw nya munang mag-isip. Ayaw nyang mag-conclude kailangang makapag usap muna sila. 

*******

"Dumating si James pasado alas 11 ng umaga, masaya nya itong sinalubong kahit na may mga katanungan sa isip nya. Nararamdaman na naman nyang may iba dito. 

"Hi baby, how are you. Flowers for you and these." inabot sa kanya ni James ang bungkos ng white roses na lagi nitong ibinibigay sa kanya at ang isang malaking box ng black forest cake. "Hello po, ate, nanay" bati ni James sa Ate Dhemy at kay Nanay Lyn. 

"Kami na ang bahala maghanda anak, at asikasuhin mo na si James. " paalam ng nanay ni Devon at iniwan na silang dalawa upang makapagsarilinan. 

Napadako ang mga mata ni James sa tabloid na nasa ibabaw ng mesa. 

"So you've read it too. Just don't mind it. It's not true." mabilis na paliwanag nito.

"Ok, hindi totoo, pero anong ginagawa mo sa lugar na yan kagabi? I thought you'll head straright to your home."  may halong hinanakit ang boses ni Devon.

"How about you? What did you do last night? Having fun with someone else?" inis na ring wika ni James.  Devon was shocked upon hearing this not because James knew that Ivan was there last night but because of the anger she is seeing in his face. 

"See, you can't even tell it to my face. What's that man doing here last night? I went back to tell you something and then I saw his car parked outside! What do you think will I feel?" tanong ni James na hindi na naitago ang emosyon. 

"James ano ka ba? Sandali lang si Ivan dito dahil ipinaalam nya sa ate ko na tanggap na sya sa trabaho at may ibinigay din ibang requirements. Don't tell me nagseselos ka na naman?" 

"Sometimes I don't know what to think Devon, but I trust you with all my heart. And it hurts to know that you're lying to me. "

“Hindi ako nagsisinungaling sayo! Ako nga ang dapat magselos dahil sa balitang yan. “inihagis nya kay James ang tabloid at hindi na nakontrol ang kanyang mga luha. Bakit sinasaktan sya nito ngayon? Siya ang dapat magtanong, siya ang dapat mangamba dahil sa kanilang dalawa, siya ang wala pang naipagmamalaki kundi ang pagmamahal nya dito. 

Nakatitig lamang si James kay Devon at hindi nya gustong umiiyak ito. Hindi nya rin kaya na makitang nasasaktan si Devon. Naisip nalang nya na kung sino man ang nagpadala sa kanya ng mensahe ay gustong sirain si Devon. 

“Hush now Baby, I’m sorry.” niyakap ni James si Devon na patuloy namang umiiyak. 

“Please stop crying, I don’t wanna see you cry. I’m sorry I was not myself last night. Got jealous again I admit.”

“If you love me, you have to trust me James. Ang pagmamahal ay hindi buo kung walang tiwala. You need to trust me katulad ng tiwala ko sayo.” pahayag ni Devon kay James at nanatiling nakayakap lamang dito.   

“Baby, I promise I won’t be irrational again, I love you so much and I don’t want to lose you.” madamdaming pahayag ni James.

“Hindi ako mawawala sayo hangga’t hindi ikaw mismo ang nagsasabing ayaw mo na sa akin.” ganting pahayag ni Devon. 

“I’m starving, what did you cooked for me? Let’s see what you’ve got. “ biro ni James at inakay na patayo si Devon. 

Masaya na silang nagsalo sa tanghalian hanggang magpaalam ang binata na may kailangan pa itong gawin sa opisina ng ama.  Naayos ang kanilang hindi pagkakaunawaan dahil ipinaliwanag mismo ng kanyang ate ang dahilang ng pagdalaw ni Ivan sa kanila. Nagpapasalamat si Devon dahil naghiwalay sila ngayong araw na walang sama ng loob sa isa’t isa.

No comments:

Post a Comment